Туристік визалар ашуға берілетін өтініш туралы ақпарат

«Виза ашу үшін берілетін өтініштің жалпы мағлұматтары туралы» ескертпемен қосымша танысыңыздар.

Туристік  виза ашуға берілетін өтініш үшін мына төмендегі құжаттарды дайындау қажет:

• Өтініш берушінің Шенген визасын алу үшін толық толтырылған қолы қойылған сауалнамасы. Мұнда шетелдіктердің келуі туралы заңның 53 параграфы, осы параграфтың 1 абзацы мен 54 параграфтың 2 абзацының, №7, 8 пунктерінің өзара байланысы туралы түсініктемелері қоса ескеріледі; электрондық толтыруға және қайта басып шығаруға арналған сауалнаманың толық түрін сіз мынадан www.videx.diplo.de  таба аласыз.

• 2 актуалды биометрикалық фотосурет, өлшемі: 3,5х4,5 см, түсірілген уақыты 6 айдан аспауы керек (фотосурет сауалнамаға жапсырылған);

• Жарамды халықаралық паспорт + паспорттың бірінші бетіндегі мәліметтердің көшірмесі; халықаралық паспорттың сұралған визаның уақыты өткеннен кейін ең кем дегенде 3 ай жарамды болуы керек және ол кейінгі он жылдың ішінде берілген болуы қажет және кем дегенде екі бос беті болуы керек;

• Бар болған жағдайда соңғы үш жылда берілген шенген визалардың кіру және шығу мөрлері бар көшірмелері;

• Қазақстан азаматтығы жоқ өтініш берушілерге: тұруға ықтияр хаттың Қазақстанда тіркелудің түпнұсқасы мен көшірмесі;

• Азаматтық хал актілерін растайтын құжаттар (мысалы, туу/неке/қайтыс болу туралы куәліктер) АХАЖ мөрімен түпнұсқада ұсынылуы тиіс (eGov көшірмелері жарамсыз!)

• Бүкіл Шенген келісімге кіретін мемлекеттерде жарамды медициналық сақтандыру көшірмесі, ең төменгі сақтандыру полисі - 30.000, - €, жарамдылық мерзімі көрсетілген. Медициналық сақтандыру болуы мүмкін мына шығындарды өтеу қажет: сақтанушының ауырған немесе өлген жағдайда орын алатын кері тасымалдау шығындары; шұғыл медициналық көмекке жұмсалатын қаражат немесе шұғыл ауруына байланысты емханаға кететін шығындар. Бұның бәрі өтініш берушінің Шенген келісімге кіретін елдердің территориясында жүрген кездерінде ғана іске асады; Медициналық сақтандыру сонымен бірге COVID-19 коронавирустық ауруын ең төменгі 30.000 евро мөлшерінде қамтуы керек. Несие картасы компанияларынан банктік саяхатты сақтандыру қабылданбайды.

• Виза үшін консулдық алым теңгемен төленеді 

• Сапар мақсатын дәлелдеу:

• Шенген келісімге кіретін елдердің территориясында болған күндерге орай қонақүйді брондау; 

• бронь жасалған(сатып алынған емес) ұшақ билеті ;

• Әр өтініш беруші үшін: "Сапар жоспары" деген толтырылған қосымша өтініш жазу, онда өтініш білдірушінің қолы қойылған болуы міндет.

• Өтініш берушінің атына берілген ағымдағы шоттағы қаражаттың қалдығы туралы банктен анықтаманың түпнұсқасы және банктің мөрімен / қолымен және соңғы үш айдағы дербес шоттан үзінді көшірме. Банк анықтамасы өтініш берілгенге дейін 2 аптадан аспайтын мерзімде берілуі керек.

• Некеде тұратын арыз берушілер күйеуінің / әйелінің банктегі есеп шотының түпнұсқасы бере алады, оған қоса некеге туралы куәлігінің түпнұсқасы мен көшірмесін тапсырады;

• Кәмелетке толмаған өтініш білдірушілер сапарға бірге баратын ата-анасының біреуінің есеп шотының көшірмесін тапсыруына болады + өзінің тууы туралы куәлігінің түпнұсқасы мен көшірмесі;

• Отбасылық жағдайына сәйкес: Түпнұсқа + көшірме неке туралы куәлігінің түпнұсқасы мен көшірмесі; неке бұзу туралы куәліктері немесе ата-анасының (күйеуінің / әйелінің) өлгені туралы куәліктер; түпнұсқасы мен көшірмесі;

• Болған жағдайда:  Жеке бас мүлкі туралы анықтама (виза ашуға өтініш бергенге 4 аптадан аспайтын уақытқа дейін берілген болуы керек);

• Балалары болған жағдайда: балалардың тууы туралы куәліктерінің түпнұсқалары + көшірмелері;

• Жұмыс істейтіндер үшін: Жұмыс орынынан берілген анықтаманың түпнұсқасы. Анықтамада оның лауазымы, еңбек қызметінің ұзақтығы, орта айлық жалақысы, берілетін демалыс және оның мерзімі мен сипаты (төленетін / төленбейтін демалыс) көрсетіледі. Сонымен қатар жұмыс орынының толық мекен-жайы, байланыс деректері, жұмыс берушінің анықтамадағы мөрі мен қолы;

• Жеке кәсіпкерлер мен ЖШС құрылтайлары үшін: Е-gov-тан берілетін мемлекеттік тіркеуден өткен заңды тұлға екендігі туралы анықтама, кейінге есепті уақытқа берілген салық құжаттары (патент немесе электронды түрдегі декларация). Және салық берешегі бар ма немесе жоқтығы турасындағы анықтама;

• Зейнеткерлер үшін: Зейнеткерлік есепшотынан соңғы алты айдағы шығарылым:

• Студенттер үшін:

• Оқитын жерінен анықтаманың түпнұсқасы. Анықтамада оқудың түрі, мамандығы, курсы және оқудағы қалған уақыты көрсетіледі; ЖӘНЕ

• Егер сапар ағымдағы семестр кезінде болса: Сапарға кетуіне байланысты сол кезеңде оқудан босатылғаны туралы анықтаманың түпнұсқасы.

• Оқушылар үшін: 

• Мектептен берілген анықтаманың түпнұсқасы; ЖӘНЕ

• Егер сапар ағымдағы оқу жылы кезінде болса: Сапарға кетуіне байланысты сол кезеңге сабақтардан босатылғаны туралы анықтаманың түпнұсқасы.

Кәмелетке толмағандар үшін қосымша деректер:

• Тууы турлы куәліктің тұпнұсқасы мен көшірмесі;

• Егер тууы туралы куәліктегі мәліметтер шешесінің айтуымен жазылған болса: АХАЖ (азаматтардың хал актілерін жазу) мекемесінің №4 формасы бойынша берген актуалды анықтамасының түпнұсқасы + көшірмесі (анықтаманың берілген уақыты виза ашуға берілген өтініштің берілген күнінен төрт тәуліктен аспауы керек);

• Ата-аналық құқықтарына ие ата-аналардың жеке тұлғаларын куәландыратын құжаттардың көшірмелері;

               ЖӘНЕ

•                Өтініш формулярында ата-аналық құқықтарына ие ата-аналардың қолдары;

•                Егер ата-анасының біреуі өлген болса немесе ата-аналық құқығынан айырылған    болса: өлгені туралы куәліктің немесе соттың шешімінің түпнұсқасы мен көшірмесі;

               ЖӘНЕ

• Егер бала ата-аналарының біреуімен немесе үшінші адаммен бірге , немесе жалғыз өзі шыққан болса: Шенгендік Келісімге кіретін елдің аймағына  баламен бірге баратын  адамға немесе белгілі бір уақытқа баратын              баланың өзіне сапарға бірге шықпаған ата-аналарының нотариалдық түрде                расталған рұқсатнамасының көшірмесі мен түпнұсқасы;

• Егер ата-анасының немесе сапарға бірге баратын тұлғаның жарамды шенген визасы болса: Осы визалардың көшірмесі.

Естеріңізде болсын: Сіздің өтінішіңізді қарау барысында қосымша құжат қажет  болған жағдай туындаса, онда дипломатиялық өкілдік қосымша құжаттарды жіберуді талап етеді. Бірақ бұл құжаттар Сізге визаны автоматты түрде ашуға негіз болып табылмайды.