Қазақстан мен Германия арасында 1985 жылғы 25 сәуірдегі Германия-Кеңес консулдық келісімі әлі де күшінде. Осы келісімге сәйкес неміс консулдық қызметкерлері басқа елдердің (Германия емес) азаматтарының қолдары мен ниеті туралы мәлімдемелерін тек ерекше жағдайларда ғана куәландыра алады немесе растай алады.

Бұл көшірмелерге қолданылмайды.

Төменде Сіз құжаттардың жеке түрлеріне арналған нұсқауларды таба аласыз.

Куәландыру

Қолтаңбаңызды растауы қажет болса, байланыс нысаны  арқылы Елшілікке немесе Бас консулдыққа хабарласыңыз. Содан кейін Елшілік/Бас консулдық Сіздің нақты жағдайыңыз бойынша олар куәландыра алатынын немесе басқа балама нұсқаларды ұсына алатынын шешеді. Әдетте мұрагерлік құқығына құжатты беру немесе әке болуды растау туралы өтініштер үшін куәліктер талап етіледі.

Қолтаңбаны растау

Қолды куәландыру арқылы консулдық қызметкер аталған тұлғаның құжатқа оның қатысуымен қол қойғанын растайды. Қол консулдық бөлім қызметкерінің көзінше қойылуы керек немесе ол оны растау керек.

Қол қойылған құжаттың заңдық мәні туралы түсініктеме берілмейді.

Көп жағдайда құжаттың заңды күшіне енуі үшін қолды куәландыру жеткілікті.

Растаудың мысалдары:

• Келісім туралы мәлімдеме: өкіл Германияда қол қойылған және тек неміс құқықтарына қатысты келісім-шартты жасауға рұқсат беретін мәлімдеме;

• Неміс азаматына тек Германиядағы құқықтарға қатысты заңды мәміле жасау үшін белгілі бір сенімхат.

• Сотталмағаны туралы анықтамаға өтініш  (неміс тілінде)

Егер Германияның дипломатиялық өкілдіктері неміс-кеңес консулдық келісіміне сәйкес Сіздің қолыңызды куәландыра алмаса, Сіз өз қолыңызды қазақстандық нотариусқа куәландыра аласыз. Германияда құжатты пайдалану мүмкіндігі болу үшін оған апостиль қойылуы керек. Құжат пен апостиль неміс тіліне аударылуы керек. Қазақстандағы нотариустың қолды куәландыруының жеткілікті екенін Елшілік немесе Бас консулдық тексеру керек.

Елшілікте/Бас консулдықта қолтаңбаңызды растау қажет болса, Елшілікке/Бас консулдыққа жеке хабарласыңыз және келесі құжаттарды тапсырыңыз:

• жеке басын растау (паспорт немесе жеке куәлік)

• қол қоюға арналған құжат

• егер бұл келісім туралы мәлімдеме болса: Германияда куәландырылған келісімшарт;

• егер сіз өз атыңыздан емес, мысалы, фирманың, қамқорлықтағы және т.б. атынан қол қойып жатсаңыз: фирманы/тұлғаны ұсынуға құқығыңыз бар екенін растау (түпнұсқада немесе куәландырылған көшірмеде);

Қолтаңбаны куәландыру үшін алым 56,43 еуроны құрайды, атын анықтау тәртібінде қолтаңбаны куәландыру үшін - 79,57 еуро.

Алым дипломатиялық өкілдіктің тиісті бағамы бойынша қазақстандық теңгеде қолма-қол қабылданады.

Астанадағы Елшіліктің  және Германияның Алматыдағы Бас консулдықтың  консулдық және құқықтық мәселелер бөлімінің жұмыс уақыты туралы ақпаратты мұқият оқып шығыңыз.

Германияда шот ашу үшін қолтаңбаны куәландыру

Ақшаны жылыстатуға қарсы заңға сәйкес, неміс дипломатиялық өкілдіктеріне шот ашу, несие беру және осыған ұқсас жағдайларда құжаттарды тексеруге рұқсат етілмейді.

Егер Сіздің банкіңіз Сіздің қолтаңбаңызды Германияның дипломатиялық миссиясы растауды ұсынса, ақшаны жылыстату туралы заңға жүгініңіз. Қосымша ақпаратты Германиядағы Орталық несие комитетінен алуға болады.

Нақты сұрақтар бойынша елшілікке/бас консулдыққа  байланыс нысаны арқылы хабарласыңыз.

Көшірмелерді куәландыру

Елшілік/Бас консулдық көшірмелерді Германияның тиісті мекемелерге немесе университеттеріне ұсыну үшін растай алады.

Көбінесе Германияда қолданылатын қазақстандық құжаттарға апостиль қою керек. Апостиль қою қажет пе, жоқ па, Германияның тиісті мекемеден алдын ала тексеріңіз. Егер бұлай болса, аударма және түпнұсқалығын куәландыру алдында құжатқа апостиль қойылуы керек.

Көшірмелерді куәландыру үшін өзіңізбен бірге куәландырылған құжаттың түпнұсқасын алып келіңіз.

Егер сізге Германияда оқу үшін расталған көшірмелер қажет болса, оқуыңызды растайтын құжатты беріңіз (мысалы, қабылдау туралы шешім).

Көшірмелерді куәландыру үшін төлемі Астанадағы Елшілігінде 24,37 еуроны, Алматыдағы Бас консулдығында 24,59 еуроны құрайды.

*Беттер бір-біріне қадалған болса, оларды енді бөлу мүмкін емес*

Алым дипломатиялық өкілдіктің тиісті бағамы бойынша қазақстандық теңгеде қолма-қол қабылданады.

Астанадағы Елшіліктің  және Германияның Алматыдағы Бас консулдықтың  консулдық және құқықтық мәселелер бөлімінің жұмыс уақыты туралы ақпаратты мұқият оқып шығыңыз.

Апостиль қою рәсімі

Неміс құжаттарын әдетте Қазақстан мекемелері апостиль қойылған жағдайда ғана таниды. Апостиль құжаттың түпнұсқалығын растайды. Құжаттарға Германиядағы тиісті мекемелері апостиль қояды. Елшілік пен Бас консулдық апостиль бермейді.

Жеке жағдайларда қай орган нақты жауапты болады құжат түріне және ол шығарылған федералды мемлекетке байланысты. Егер Сізге неміс құжатына апостиль қою керек болса, алдымен құжатты берген органға (АХАЖ, сот және т.б.) хабарласыңыз.

Қосымша ақпаратты Германия Сыртқы істер министрлігінің веб-сайтынан табуға болады  (неміс тіліндегі ақпарат).

Германияда қолданылатын қазақстандық құжаттар апостиль қойылған жағдайда ғана танылады. Қазақстандық мемлекеттік органдар қазақстандық құжаттарға әрбір апостиль қоюға жауапты.

Қазақстандық құжатқа апостиль қою қажет болса, құжатты берген Қазақстан Республикасының органына (АХАЖ, сот және т.б.) хабарласыңыз. Елшілік/Бас консулдық Сізге апостиль алуға көмектесе алмайды.

Апостиль қою туралы жадынама

Құжаттарды аудару

Құжаттар әдетте олар қолданылатын елдің тіліне аударылуы керек. Назар аударыңыз:

• апостиль құжаттың аудармасына дейін құжаттың түпнұсқасына қойылады.

• Қазақ аудармашылары мен нотариустары әдетте неміс құжатының түпнұсқасына апостиль қойылғанда ғана өз қызметтерін көрсетеді;

• Германияда ресми аудармаларды тек ант берген немесе ресми түрде танылған аудармашылар жасай алады;

• егер аударма Германияда жасалған болса, онда бұл аударманың дұрыстығын ресми түрде куәландыруға БОЛАДЫ. Мұндай ресми растауды уәкілетті тұлға ретінде аудармашының танылған маман ретіндегі құзыреттілігін растайтын тиісті соттың төрағасы жүргізеді. Осыдан кейін ғана апостиль қоюға БОЛАДЫ.

Астанадағы Елшілік пен Алматыдағы Бас консулдық Қазақстанда бірнеше аудармашылар мен тұрақты түрде жұмыс істейді. Олардың тізімін мына жерден табуға болады.

Мұрағат анықтамалары

Қолданыстағы Қазақстан заңнамасына сәйкес, Қазақстанның азаматтық хал актілері мен мұрағаттық анықтамаларын Германияның Астанадағы Елшілігі немесе Алматыдағы Бас консулдығы арқылы алуға болмайды. Неміс дипломатиялық өкілдіктерінен белгілі болғандай, Германияда тұратын тұлғалар қазақстандық азаматтық хал актілері мен мұрағаттық анықтамаларды алу үшін Германиядағы Қазақстанның шетелдегі құзыретті өкілдігіне хабарласа алады. Сонымен қатар, Сіздің уәкілетті тұлғаныз Қазақстанның құзырлы органына тікелей хабарласа алады.

Қосымша ақпаратты құжаттарды және мұрағаттық анықтамаларды сұрау бойынша жадынамадан  алуға болады.