Оқуға қабылдану үшін виза

Негізгі нұсқаулар

• Барлық ақпарат пен өтініш формаларын визалық бөлімдерден немесе Германияның шетелдік өкілдіктерінің интернеттегі сайтынан тегін алуға болады.

• Қосымша түрде «Ұлттық визаға өтініш беру туралы жалпы ақпаратпен» де танысып шығуыңызды өтінеміз. Қосымша ақпаратты Қазақстандағы Германия өкілдіктерінің интернет-сайтынан  таба аласыз.

• Шетел тілдеріндегі құжаттар неміс тіліне ресми аудармасымен бірге ұсынылуы тиіс. Паспорттың деректік беті мен ағылшын тіліндегі құжаттар бұдан босатылады.

• Мемлекеттік органдармен бекітілген (мысалы, нотариалды куәландырылған аудармалар) құжаттар бекітілмеген қарапайым көшірмесімен бірге тапсырылуы қажет. Бұл құжаттарды өңдеу процесін едәуір жылдамдатады.

• Тек жақсы оқылатын құжаттар ғана қабылданады.

• Өкілдік қосымша құжаттарды сұрату құқығын өзінде қалдырады.

• Толық емес құжаттар процесті кешеуілдетеді және визаның берілмеуіне алып келуі мүмкін.

• Виза туралы оң шешім шыққаннан кейін және виза қолыңызға берілер алдында, егер ол бұған дейін ұсынылмаған болса, Сізге іс жүзінде бар сапарлық медициналық сақтандыруды дәлелдеу қажет болады.

Жалпы ақпарат

ЖОО-ға немесе дайындық курсына қабылдау (растау) мәселесімен мүмкіндігінше ертерек айналысқан жөн.

Оқу кезінде студенттік қосымша жұмыстар арқылы күнкөріс шығындарын жабуға болады. Оқу аяқталғаннан кейін Сізге жұмыс орны іздеуге мүмкіндік беріледі.

Төмендегі тізім арқылы құжаттарыңыздың толықтығын белгілеп отырып тексере аласыз. Мұнда көрсетілген барлық құжаттар талап етілген түрде және көрсетілген тәртіппен тапсырылуы тиіс.

Визаға өтініш беру бойынша тексеру парағы

Келесі құжаттар әрбір өтініш беруші үшін толық көлемде тапсырылуы тиіс.

• Неміс тілінде толық толтырылған және өтініш берушінің жеке қолымен қол қойылған ұлттық визаға өтініш формасы.

• § 54 AufenthG сәйкес өтініш беруші жеке қол қойған ескерту қағазы.

• 2 дана қазіргі заманғы биометриялық фотосурет (6 айдан аспаған, өлшемі 3,5 x 4,5 см). (Өтініш формасына бір фотосуретті жабыстырып, екіншісін қоса алып келіңіз) (Фотоүлгі кестесі)

• Қол қойылған және жарамды шетелдік төлқұжат + деректік беттерінің көшірмесі. Паспортта қол қойылуы және кемінде үш бос бет болуы тиіс.

• Жоғары оқу орнына немесе дайындық колледжіне қабылданғаны туралы дәлел.

• Егер бар болса: оқуға дайындық тіл курсына (кемінде 18 сағат аптасына) немесе практикаға қабылданғаны туралы дәлел.

• Алдын ала білім туралы құжаттар (түпнұсқа + көшірме).

• соңғы аяқталған мектептік немесе университеттік білімі (мысалы: аттестат, бакалавр дипломы, диплом) — бағалар көрсетілген түпкілікті құжатпен бірге

• Соңғы немесе, егер жұмыс істеп жатсаңыз, қазіргі жұмыс берушіден анықтама

• Толық хронологиялық өмірбаян: оқу және еңбек жолы көрсетілуі тиіс. Егер Германияда оқу ағылшын тілінде жүргізілетін болса, өмірбаян ағылшын тілінде жазылуы мүмкін

• Өз қолыңызбен жазылған және қол қойылған мотивациялық хат. Онда алдағы сапардан күтілетін нәтижелер, кәсіби және жеке мақсаттар, сондай-ақ болашақ жоспарлар баяндалуы тиіс. Егер оқу ағылшын тілінде жүргізілетін болса, хатты ағылшын тілінде жазуға болады.

• Оқу немесе дайындық курсы үшін қажетті тіл білімін растайтын құжат (түпнұсқа + көшірме): ресми мойындалған тіл сертификаттары арқылы (неміс тілі: Goethe-Institut, TestDaF, DSH, ÖSD, Telc; ағылшын тілі: IELTS, TOEFL)

• 992 еуро/ай көлеміндегі қаржылық қамтамасыз ету дәлелі жоспарланған болу мерзімі үшін. Егер болу мерзімі 1 жылдан асатын болса, өтініш беру кезінде тек бірінші оқу жылы үшін, яғни кемінде 11.904 еуро дәлелденуі қажет.

Қаржылық қамтамасыз ету келесі жолдармен дәлелденуі мүмкін:

• Стипендия дәлелі (түпнұсқа + көшірме) – стипендия тағайындалғаны туралы хат және куәлік. Егер стипендия 992 еуродан аз болса, айырмашылық келесі баламалардың бірімен дәлелденуі керек

• §§ 66-68 AufenthG сәйкес, "оқу" мақсатына арналған ресми міндеттеме хаты (өтініш беруден 6 айдан аспаған, төлем қабілеттілігі расталған; түпнұсқа + көшірме)

• Неміс банкіндегі бұғатталған шот туралы анықтама, ай сайын қолжетімді сома 992 еуро

Виза алу кезінде тек ресми ашылғаны туралы растау қабылданады, ол жерде толық енгізілген сома мен ай сайынғы қолжетімді сома көрсетілуі тиіс. Бұл сандар көрсетілмеген растау жеткіліксіз болып саналады. Бұғатталған шотты Германияда тіркелген кез келген банк мекемесінде ашуға болады.

Кәмелетке толмаған өтініш берушілер үшін:

• Өтініш формасына және § 54 AufenthG сәйкес ескерту парағына барлық қамқоршылардың жеке қолдары қойылуы тиіс

• Ауылдық немесе қалалық АХАЖ берген туу туралы куәлік (апостиль қойылған түпнұсқа + көшірме)

• Егер әкенің аты туу туралы куәлікке ананың ауызша мәлімдемесі негізінде енгізілген болса: АХАЖ-дан №4 тармаққа сәйкес берілген апостиль қойылған анықтаманың түпнұсқасы мен көшірмесі (өтініш берер кезде 4 аптадан аспаған мерзімде берілген болуы тиіс)

• Егер ата-ананың бірі қайтыс болған немесе қамқоршылық құқығы жоқ болса: апостиль қойылған өлім туралы куәліктің немесе сот шешімінің түпнұсқасы мен көшірмесі

• Неміс тіліндегі нотариалды келісім хаты (өтініш беру кезінде 3 айдан аспаған мерзімде берілген болуы тиіс): барлық қамқоршылардың өтініш берушінің Германияда оқу кезеңінде тұруына келісімі (түпнұсқа + көшірме)

• Барлық қамқоршылардың жеке куәлігі немесе паспортының көшірмесі

• Жекелеген жағдайларда Германияның шетелдік өкілдігі кімнің Германияда өтініш берушінің заңды өкілі ретінде әрекет ететінін көрсететін қосымша қамқоршылардың түсіндірме хатын талап етуі мүмкін.

Қазақстан азаматтығы жоқ өтініш берушілер үшін:

• Қазақстандағы тұруға рұқсат / тіркеу куәлігі (түпнұсқа + көшірме)