Тіл курсына қатысу үшін виза

Негізгі нұсқаулар

• Барлық ақпарат пен өтініш формаларын визалық бөлімдерден немесе Германияның шетелдік өкілдіктерінің интернет-сайтынан тегін алуға болады.

• Қосымша ретінде «Ұлттық визаға өтініш беру туралы жалпы нұсқаулармен» танысуыңызды өтінеміз. Қосымша ақпаратты Қазақстандағы Германия өкілдіктерінің интернет-сайтынан  таба аласыз.

• Шетел тілдеріндегі құжаттар мемлекеттік неміс тіліне аударылған түрде ұсынылуы керек. Бұған паспорттың деректік беті мен ағылшын тіліндегі құжаттар кірмейді.

• Ресми түрде тігілген құжаттар (мысалы, нотариалды расталған аудармалар) бір қарапайым, тігілмеген көшірмесімен бірге тапсырылуы керек. Бұл құжаттарды өңдеу процесін жылдамдатады. 

• Тек оқуға ыңғайлы, анық жазылған құжаттар ғана қабылданады.

• Толық емес құжаттар өтінішті қарау мерзімінің созылуына немесе бас тартуға алып келуі мүмкін.

• Визаға оң шешім шыққан жағдайда, визаны алу алдында Сізге жарамды шетелге шығу медициналық сақтандыру полисінің бар екенін дәлелдеу қажет (егер ол бұрын ұсынылмаған болса).

Төмендегі тізім сізге құсбелгі қою арқылы өтініш құжаттарыңыздың толық екенін тексеруге мүмкіндік береді. Мұнда көрсетілген барлық құжаттар талап етілген түрде және ретімен ұсынылуы қажет.

Визаға өтініш беру үшін құжаттар тізімі (тексеру парағы)

Төменде көрсетілген құжаттар әрбір өтініш беруші үшін толық көлемде ұсынылуы қажет.

• Толық неміс тілінде толтырылған және өз қолымен қол қойылған ұлттық визаға өтініш.

• Қол қойылып, өз қолымен толтырылған, Германияның көші-қон туралы заңының (§ 54 Aufenthaltsgesetz) сәйкес түсіндіру парағы.

• 2 дана биометриялық фотосурет, соңғы 6 айда түсірілген, өлшемі 3,5 x 4,5 см
  (бір фотосуретті өтініш формасына жабыстырыңыз, екіншісін бөлек ала келіңіз) (→ Фотомысал тақтасы)
• Қол қойылған, жарамды төлқұжат және төлқұжаттың деректік беттерінің бір дана көшірмесі. Төлқұжатта қол болуы керек және кемінде үш бос бет болуы қажет.

• Тіл мектебінен шақыру хаты, онда курс өтетін орын, курс ұзақтығы және көзделген оқу мақсаты, аптасына сағат саны (кемінде 18 сағат) және бүкіл оқу кезеңіне арналған курс ақысының төленгені туралы растау көрсетілуі тиіс.

• Білім туралы құжаттар – түпнұсқасы және бір данасы (көшірмесі):

• соңғы аяқталған мектептік НЕМЕСЕ университеттік білім (мысалы, аттестат, бакалавр дипломы, диплом) — бағалар көрсетілген аяқтау туралы куәлік түрінде

• Соңғы жұмыс орнынан анықтама НЕМЕСЕ, егер қазіргі кезде жұмыс істеп жүрсеңіз, қазіргі жұмыс берушіден анықтама.

• Бұрынғы оқу мен еңбек қызметін көрсететін үзіліссіз хронологиялық кестелік өмірбаян (түйіндеме).

• Өз қолыңызбен жазылған және қол қойылған мотивациялық хат; онда жоспарланған тұрумен байланысты үміттер, күтілетін кәсіби және жеке пайда, сондай-ақ болашаққа арналған жоспарлар көрсетілуі тиіс.

• Бұрын меңгерілген тіл білімін растайтын құжаттар – түпнұсқасы және бір данасы (көшірмесі).

• Егер тіл курсы өту мерзімінде оқу немесе еңбек қызметі тоқтатылатын болса: университеттен немесе жұмыс берушіден берілген академиялық демалыс туралы құжаттың түпнұсқасы және бір данасы (көшірмесі).

• Стипендия берілгенін растайтын құжат ретінде стипендия тағайындалғаны туралы хабарлама және стипендия куәлігі ұсынылуы керек (түпнұсқа және бір данасы — көшірмесі). Егер стипендия мөлшері айына 1091 еуродан аз болса, айырма төмендегі баламалардың бірі арқылы қосымша расталуы тиіс.

• Өтініш берген сәтте 6 айдан аспаған мерзімде берілген, §§ 66–68 AufenthaltsG-ке сәйкес «тіл курсы» мақсатына арналған ресми қолхат (Verpflichtungserklärung) және төлем қабілеттілігі расталған болуы тиіс — түпнұсқасы және бір данасы (көшірмесі).

• Германиядағы банк мекемесінде бұғатталған шоттың ашылғанын растайтын құжат, онда жоспарланған тұру мерзіміне ай сайын 1091 еуро көлемінде қаражат қолжетімді болуы тиіс.

Визаға өтініш берген кезде тек шоттың ресми ашылғаны туралы растама қабылданады, онда салынған жалпы сома және ай сайын қолжетімді сома нақты көрсетілуі қажет. Бұл сомалар көрсетілмеген жағдайда растама жарамсыз болып саналады.

Бұғатталған шотты Германияда тіркелген кез келген банк мекемесінен ашуға болады.

Кәмелетке толмаған өтініш берушілер:

• Өтініш пен Германияның көші-қон туралы заңының (§ 54) сәйкес түсіндіру парағына барлық қамқоршылық құқығына ие тұлғалар қол қоюы тиіс.

• Апостиль қойылған туу туралы куәліктің түпнұсқасы және бір данасы (көшірмесі).

• Егер туу туралы куәлікте әкенің мәліметтері ананың ауызша мәлімдемесі негізінде енгізілген болса: өтініш берген сәтте 4 аптадан аспаған мерзімде берілген № 4-тармаққа сәйкес АХАЖ органының апостиль қойылған анықтамасының түпнұсқасы және бір данасы (көшірмесі).

• Егер ата-ананың бірі қайтыс болған болса немесе қамқоршылық құқығына ие болмаса: апостиль қойылған қайтыс болу туралы куәліктің немесе апостиль қойылған сот шешімінің түпнұсқасы және бір данасы (көшірмесі).

• Германияда оқу кезеңінде өтініш берушінің елде тұруына барлық қамқоршылық құқығына ие тұлғалардың нотариалды расталған келісімі (өтініш берген сәтте 3 айдан аспаған мерзімде берілген) — түпнұсқасы және бір данасы (көшірмесі).

• Барлық қамқоршылық құқығына ие тұлғалардың паспорттарының немесе жеке куәліктерінің көшірмесі.

• Жекелеген жағдайларда виза рәсімдеу процесі барысында шетелдік өкілдік қамқоршылық құқығына ие тұлғалардан Германия аумағында баланың жеке күтімі мен жауапкершілігін кім атқаратыны туралы жазбаша түсініктеме талап етуі мүмкін.

Қазақстан азаматтығына ие емес өтініш берушілер:

• Қазақстандағы тұруға рұқсат/тіркеу туралы құжаттың түпнұсқасы мен бір көшірмесі.